ريم بنت اختي دبدوبه ودفشه وما تنحب هذي صفاتها لما كانت بالصف الأول الابتدائي حتى بنات مجموعتها ما يطيقونها
ما كان عندها صديقه غير واحده ضعيفه جدا بالصف يعني بنوته منبوذه مثلها ,, التمو المتاعيس على قولتهم ..
لما كنت اسألها عن المدرسه تحبها والا لا كانت على طووول تجاوب ما أحبها !!
أمها لما تبوسها تقول والله أبوسها مجامله عسى ربي يغفر لي هالبنوته ما قدرت احبها مثل اخواتها ,, ما فيها شئ ينحب ..
على عكس اختها طيف اللي كانت الكل يحبها ويتجنن عليها مؤدبه شطوره مرتبه منظمه تسمع الكلام وامها ما تمل من التغزّل بها
ريم ما وجدت احد يحتويها فكانت اربع وعشرين ساعه تلعب مع اخوانها الشباب فأخذت الكثير من طباعهم وخاصة الشراسه في
التعامل ,, لدرجة إن اخوي أكثر من مره ينصح اخواتها البنات انهم يحاولون يلتفتون لها ويخلونها تلعب معاهم ..
لما شفت الكل يتعامل معها بهذي الطريقه قررت اغيّر الموجه واحضنها وابوسها ولو بالغصب عشان احسسها انها محبوبه من قبل
حد اقل شئ!! كانت ما تمر علي يمين والا يسار الا واحضنها واقول لها يالشطوره يالحلوه وحشتيني ..الخ
مع الوقت والله بديت اهضمها واحبها واحب سوالفها ,, وبدت هي ترق شويه واول ما تدخل على طوووول تركض عندي وحضن
وبوسه ,, طبعا ما احد لاحظ التغير لانه بعده في البداية لكن لكن لما رجعت اختي الصغيره من الجامعه بدت تعلق وتبوس ريم
تقول ياناس هالبنت صارت رقيييييقه وتنحب ,, وفعلا مع الحضن هنا وهناك زادت رقتها وزادت ثقتها في نفسها وبدت تظهر
ملامح شخصيتها الثانيه ,,
وبدت تكلمنا عن الناس اللي يحبونها وتعدهم ومن ضمن هالناس ذكرت لي اسم خالي محمد اللي هو يعتبر جدها ,,وسألتها عن دليلها
في حب جدها لها تقول لما زار جدتي وشافني ما حضن حد من اخواني ولاعبه الا انا ,,وفعلا خالي يومها اذكر حضنها وباسها من قلب
لانها تنحب لو خلت دفاشتها ..
وذكرت لي معلمتها اللي حبتها ايضا فسألتها عن الدليل ,, قالت لي مرّه طلبت مني تصورني بتلفونها وصورتني يعني تحبني
حتى كرمتني بالطابوور وركضضضضضضضضضضت استلم الجائزه هذا دليل اخر على حبها لي ..
لما سمعتنا اختها طيف نتكلم عنها جات وقالت لي تعرفي ايش السبب اللي خلا الاستاذه تحبها؟ قلت لها لا عرفينا ,, تقول ريم ما تنزل
المنديل من على راسها تقول ان الاستاذه تقول لنا المنديل مكانه فوق الراس وهي مش عشان الاستاذه هي لانه شعرها قصير
فتستحي منه وتجلس دائما مؤدبه فالمعلمات يحبونها عشان كذا ,,تغطي شعرها + مؤدبه
طبعا ريم صرخت واعترضت وأكدت على إن الحب لأنها هي فعلا تنحب وانها صار لها محبين ومعجبين كثار ,, وياكثر التهديدات
اللي تلقياتها بفصل صداقتنا واني بندم وبخسر الكثييير والكثييييييير لو تفارقنا انا وهي ..
قبل يومين سألت أمها عنها ,,
قالت لي ريم خلاص دخلت القلب غصب سوالفها صارت ما تنمل صارت حبوبه روعه بقوة شخصيتها ودلعها اللي يضحكني
باختصار صارت روعه تجنن ... يعني تنحب
شفتو ان الدفوشي ما كان دفوشي الا بسبب معاملتنا له غيّرو من معاملتكم للناس وبتلاقونهم من أروع ما يكون ,,
قبل أن نتهم غيرنا بالدفوشه فلنحاول البحث عن الأسباب اللي خلته يصبح كذا ..
والله هذي تجربه من واقعي أحببت ان اشارك بها من يعاني من الأطفال الدفشين
ما كان عندها صديقه غير واحده ضعيفه جدا بالصف يعني بنوته منبوذه مثلها ,, التمو المتاعيس على قولتهم ..
لما كنت اسألها عن المدرسه تحبها والا لا كانت على طووول تجاوب ما أحبها !!
أمها لما تبوسها تقول والله أبوسها مجامله عسى ربي يغفر لي هالبنوته ما قدرت احبها مثل اخواتها ,, ما فيها شئ ينحب ..
على عكس اختها طيف اللي كانت الكل يحبها ويتجنن عليها مؤدبه شطوره مرتبه منظمه تسمع الكلام وامها ما تمل من التغزّل بها
ريم ما وجدت احد يحتويها فكانت اربع وعشرين ساعه تلعب مع اخوانها الشباب فأخذت الكثير من طباعهم وخاصة الشراسه في
التعامل ,, لدرجة إن اخوي أكثر من مره ينصح اخواتها البنات انهم يحاولون يلتفتون لها ويخلونها تلعب معاهم ..
لما شفت الكل يتعامل معها بهذي الطريقه قررت اغيّر الموجه واحضنها وابوسها ولو بالغصب عشان احسسها انها محبوبه من قبل
حد اقل شئ!! كانت ما تمر علي يمين والا يسار الا واحضنها واقول لها يالشطوره يالحلوه وحشتيني ..الخ
مع الوقت والله بديت اهضمها واحبها واحب سوالفها ,, وبدت هي ترق شويه واول ما تدخل على طوووول تركض عندي وحضن
وبوسه ,, طبعا ما احد لاحظ التغير لانه بعده في البداية لكن لكن لما رجعت اختي الصغيره من الجامعه بدت تعلق وتبوس ريم
تقول ياناس هالبنت صارت رقيييييقه وتنحب ,, وفعلا مع الحضن هنا وهناك زادت رقتها وزادت ثقتها في نفسها وبدت تظهر
ملامح شخصيتها الثانيه ,,
وبدت تكلمنا عن الناس اللي يحبونها وتعدهم ومن ضمن هالناس ذكرت لي اسم خالي محمد اللي هو يعتبر جدها ,,وسألتها عن دليلها
في حب جدها لها تقول لما زار جدتي وشافني ما حضن حد من اخواني ولاعبه الا انا ,,وفعلا خالي يومها اذكر حضنها وباسها من قلب
لانها تنحب لو خلت دفاشتها ..
وذكرت لي معلمتها اللي حبتها ايضا فسألتها عن الدليل ,, قالت لي مرّه طلبت مني تصورني بتلفونها وصورتني يعني تحبني
حتى كرمتني بالطابوور وركضضضضضضضضضضت استلم الجائزه هذا دليل اخر على حبها لي ..
لما سمعتنا اختها طيف نتكلم عنها جات وقالت لي تعرفي ايش السبب اللي خلا الاستاذه تحبها؟ قلت لها لا عرفينا ,, تقول ريم ما تنزل
المنديل من على راسها تقول ان الاستاذه تقول لنا المنديل مكانه فوق الراس وهي مش عشان الاستاذه هي لانه شعرها قصير
فتستحي منه وتجلس دائما مؤدبه فالمعلمات يحبونها عشان كذا ,,تغطي شعرها + مؤدبه
طبعا ريم صرخت واعترضت وأكدت على إن الحب لأنها هي فعلا تنحب وانها صار لها محبين ومعجبين كثار ,, وياكثر التهديدات
اللي تلقياتها بفصل صداقتنا واني بندم وبخسر الكثييير والكثييييييير لو تفارقنا انا وهي ..
قبل يومين سألت أمها عنها ,,
قالت لي ريم خلاص دخلت القلب غصب سوالفها صارت ما تنمل صارت حبوبه روعه بقوة شخصيتها ودلعها اللي يضحكني
باختصار صارت روعه تجنن ... يعني تنحب
شفتو ان الدفوشي ما كان دفوشي الا بسبب معاملتنا له غيّرو من معاملتكم للناس وبتلاقونهم من أروع ما يكون ,,
قبل أن نتهم غيرنا بالدفوشه فلنحاول البحث عن الأسباب اللي خلته يصبح كذا ..
والله هذي تجربه من واقعي أحببت ان اشارك بها من يعاني من الأطفال الدفشين
ليست هناك تعليقات:
إرسال تعليق